1
A Mudanza

• Á mamá galiña viña de lle nacer a primeira rolada
  de pitiños. Toda a familia vivía nun recuncho da
  granxa que o granxeiro preparara para a ocasión.
  Con motivo do feliz acontecemento os animais da
  granxa enchéronlle a mamá galiña o seu recuncho
  de regalos un feixe de roupa, xoguetes e todas
  esas cousas que os bebés teñen.
• A galiña gardou todo coidadosamente en caixas
  ben empaquetadas.

2

• Un bo día chegou unha nova que lles trouxo o gato
  da granxa, "Larpeiro". E mamá galiña deuse conta
  de que tiña un problema ela non quería perder
  todos os regalos que lle fixeran mais tampouco
  sabía como transportalos. E estaba segura de que
  así a mudanza sería longa e pesada e tería que
  abandonar algún dos regalos.

3

• O granxeiro decidira facer a mudanza para a nova
  granxa que con tanto cariño construíra que agora
  estaba feliz e non había desculpa que valese.
  Tanto medo tiña a galiña de cansar demais antes
  da dar transportado todos os agasallos que
  decidiu ir consultar coa fada dos montes. Oíra
  que sempre tiña unha solución máxica para todo. E
  así o fixo. Deixou os pitiños durmindo e aló se
  foi na procura da fada.

4

• Preto da cova da fada a galiña berrou e ó momento
  apareceu a muller. Esta, despois de ouvir o
  problema meteuse na súa cova e pasado un tempo
  saiu de novo. Contoulle á galiña o que debía
  facer cando chegara á casa debía gardar en
  paquetes todo o que quería transportar, poñelos
  todos xuntos e facer que cada pitiño lle dera un
  picotazo a unha morea.

5

• A galiña volveu para a granxa desconfiando do
  remedio da fada. Parecía moi máxico demais pero,
  de todos os xeitos, fixo o que ela lle mandara. E
  o que pasou cando os pitiños lle deron co pico
  foi verdadeiramente marabilloso. Cada morea
  encolleu, facéndose ademais, moi lixeira. Así
  mesmo aos pitiños lles era moi doado movela. A
  galiña quedou coa boca aberta da sorpresa un bo
  anaco, mais moi feliz.

6

• O que antes non había maneira de levar porque
  ocupaba moito e pesaba aínda mais, agora podería
  movelo sen problema. E mesmo almacenalo no seu
  novo fogar. E cando quixera algo do que había nos
  paquetes só tiña que facer o que lle dixo a fada
  un pitiño debía darlle co pico dúas veces e todo
  volvería ao seu estado normal. Non fai falla
  dicir que a mundanza foi un éxito unha vez que o
  resto dos animais coñeceron o truco! todo era tan
  transportábel!