Matthew 2:1-12

1

• Matthew 21-12 Matvtaai 21-12

2
1 Yesu cuotv seix yiem Yundie Saengv,
Mbetclehem Mungv wuov zanc, doix zuqc Helotv
zoux hungh diex. Nqa'haav maaih deix samx hleix
nyei domh fin-saeng yiem dong bung daaih taux
Yelusaalem Zingh

• 1 After Jesus had been born in Bethlehem of
  Judea in the days of King Herod, wise men from
  the east arrived in Jerusalem

3
2 naaic gaax, "Cuotv seix daaih zoux Yiutai Mienh
nyei hungh wuov dauh gu'nguaaz yiem haaix? Yie
mbuo buatc ninh nyei hleix yiem dong bung cuotv
ziouc daaih baaix ninh."

• 2 and asked, Where is the one who was born
  king of the Jews? We saw his star in the east
  and have come to worship him.

4
3 Helotv Hungh muangx haiz naaiv deix waac ninh
ziouc hnyouv maiv henh yietc deix. Yiem
Yelusaalem Zingh nyei zuangx mienh yietc zungv
yaac hnyouv maiv henh nzengc.

• 3 When King Herod heard this he was troubled, and
  all the people of Jerusalem with him.

5
4 Helotv ziouc heuc Yiutai Mienh nyei zuangx sai
mienh bieiv caux njaaux leiz nyei fin-saeng daaih
nzoih yiem zunv ziouc naaic ninh mbuo, "Zoux
Giduc wuov dauh oix cuotv seix yiem haaix?"

• 4He called together all the high priests and
  scribes of the people and asked them where the
  Christ was to be born.

6
5 Ninh mbuo dau, "Yiem Yundie Saengv,
Mbetclehem Mungv, weic zuqc douc waac mienh
hnangv naaiv nor fiev,

• 5 They told him, In Bethlehem of Judea. For
  that is what was written by the prophet

7
6 'Yundaa Deic-Bung, Mbetclehem Mungv aah!
Yiem Yundaa Deic-Bung nyei domh zingh, meih maiv
zeiz gauh faix jiex. Weic zuqc maaih dauh domh
jien oix yiem meih naaic cuotv daaih dorh yie
nyei baeqc fingx, Isaalaaen Mienh.'

• 6 O Bethlehem in the land of Judah, you
• are by no means least among the rulers of
• Judah. For from you will come a ruler
• who will shepherd my people Israel.

8
7 Helotv ziouc heuc wuov deix samx hleix nyei
domh fin-saeng daaih, bingx jienv longx-longx
nyei naaic gaax, "Wuov norm hleix ziangh haaix
cuotv daaih?"

• 7 Then Herod secretly called together the wise
  men and found out from them the time the star had
  appeared.

9
8 Naaic liuz, Helotv ziouc mbuox ninh mbuo mingh
Mbetclehem Mungv. Ninh gorngv, "Meih mbuo gunv
mingh Mbetclehem Mungv longx-longx nyei lorz
wuov dauh fu'jueiv. Lorz buatc, nzuonx daaih
mbuox yie, yie ziouc haih mingh baaix ninh."

• 8 Then he sent them to Bethlehem, saying, As
  you go, search carefully for the child. When you
  find him, tell me so that I, too, may go and
  worship him.

10
9 Muangx hungh diex gorngv liuz, wuov deix domh
fin-saeng ziouc cuotv jauv mingh aqv. Zinh
ndaangc yiem dong bung buatc cuotv wuov norm
hleix mingh ndaangc ninh mbuo. Mingh taux
fu'jueiv yiem wuov norm dorngx gu'nguaaic ziouc
dingh jienv wuov.

• 9 After listening to the king, they set out,
  and the star they had seen in the east went ahead
  of them until it came and stopped over the place
  where the child was.

11
10 Domh fin-saeng buatc wuov norm hleix ziouc
njien-youh orn-lorqc haic.

• 10 When they saw the star, they were ecstatic
  with joy.

12
11 Bieqc biauv mingh, buatc wuov dauh fu'jueiv
caux ninh nyei maa, Maaliyaa, ziouc gueic njiec
ndau baaix wuov dauh fu'jueiv. Ninh mbuo zorqv
ninh mbuo dorh daaih nyei zingh nyeic cuotv daaih
fongc horc bun ninh. Maaih jiem caux i nyungc
ndaang nyei ndiangx-zung heuc muyorc caux
faangensen.

• 11 After they went into the house and saw the
  child with his mother Mary, they fell down and
  worshiped him. Then they opened their treasure
  sacks and offered him gifts of gold,
  frankincense, and myrrh.

13
12 Tin-Hungh box mbeix mbuox wuov deix domh
fin-saeng maiv dungx nzuonx Helotv wuov. Ninh
mbuo ziouc yangh ganh diuh jauv nzuonx ninh mbuo
nyei deic-bung.

• 12 Having been warned in a dream
• not to go back to Herod, they left
• for their own country by a different
• road

14

• Biux Mengh Waac
• Naaiv douc Ging-Sou njaaux taux mbuo biei nyungc
• jauv. Dayietv nyungc bun mbuo hiuv duqv taux
  Yesu
• cuotv seix nyei jauv-louc hnangv haaix nor.
  Danyeic
• Nyungc bun mbuo hiuv duqv taux Helotv Hungh
• Dongh haaix dauh. Dafaam nyungc mbuox mbuo taux
• Yesu nyei baamh gen diex maac benx haaix nyungc
• mienh. Dafeix nyungc bun mbuo hiuv duqv dongh
• bung daaih nyei domh fin-saeng mbuo benx haaix
• nyungc, yaac yiem haaix daaih.

15

• I. Yesu cuotv seix nyei jauv v.1-2
• Yesu cuotv seix se yiem Mbetc-lehem Mungv
• (Lugaa 21-7). Mbetclehem Mungv se yiem
• Yundie Saaengv. Yiem Yelusaalem Zingh
• nyei Naamh Bung maengx. Yiem Yelusaalem
• Zingh mingh biaa leiz jauv nyei dorngx. Yesu
• cuotv seix nyei ziangh hoc nziex leih maiv
• duqv yiem 4 B.C. nyei dorngx.

16

• A. Yesu cuotv seix nyei ziangh hoc, se doix zuqc
  Helotv zoux hungh gunv Yundie Deic-Bung. Helotv
  Hungh se maiv zeiz Yiutai Mienh, ninh se benx
  Lomaa Janx. Duqv orn benx diqv zuangx nyei mienh
  yiem 40 B.C. Nqahaav benx Hungh Diex gunv
  Yiutai Mienh nyei ziangh hoc yiem 37 4 B.C
  nyei ziangh hoc. Helotv naaiv joux waac se benx
  mienh fingx hnangv, se maiv zeiz mbuox.

17

• B. Domh fin-saeng mbuo se yiem dong bung maengx
• daaih nyei mienh, se yiem Persie fai Aalaambie
  
• daaih nyei mienh, ninh mbuo se benx saamx hleix
  fai
• hoqc hleix nyei domh fin-saeng. Ninh mbuo yaac
• maiv zeiz Yiutai Mienh. Mv baac ninh mbuo maaih
• hnyouv zimc lorz Yesu baaix. Mienh camv hnamv
• daaih ninh mbuo geh lorh torh mingh yietc
  hnyaangx
• lengc cingx taux Yesu wuov. Yesu cuotv seix nyei
• ziangh hoc ninh mbuo mingh aqv, ninh mbuo lorz
• buatc Yesu nyei ziangh hoc, ninh benx fujueiv
  aqv
• (vs.10-11).

18

• II. Helotv Hungh caux zuangx mienh hnyouv maiv
• henh nyei jauv (vs. 3). Helotv nzauh heix
  siang-hungh
• cuotv daaih nzaeng ninh nyei deic-bung, nzaeng
  ninh
• nyei weic. Zuangx mienh camv hnyouv maiv henh se
• nzauh heix maaih sic cuotv bun ninh mbuo, maaih
• mborqv jaax nyei jauv. Zien nyei, mbuo Helotv
  mingh
• daix nzengc wuov deix ziangh hoc cuotv seix nyei
• fujueiv yietc zungv dorn. Yiem I hnyaangx njiec
• maengx nyei fujueiv dorn, Helotv daix nzengc,
  maiv
• zengc yietc dauh. Maaih deix porv Ging-Sou nyei
  sou
• gorngv, leih maiv go maaih yietc cin dauh
  fujueiv
• zuqc Helotv Hungh daix daic nzengc.

19

• III. Njaaux leiz nyei fin-saeng se benx njaaux
• Ging-Sou nyei mienh (vs. 4-10). Njaaux Loz-
• Ging-Sou nyei waac wuov deix mienh. Tin-
• Hungh nyei douc waac mienh se Mikaa, beiv
• mangc (Mikaa 11-2, 52). Mbetclehem
• Mungv se yiem Yundie Saaengv. Yiem
• Yelusaalem Zingh nyei Naamh Bung
• maengx. Yiem Yelusaalem Zingh mingh
• biaa leiz jauv nyei dorngx, naaiv norm laangz
• se maiv nangc hlo mbuoqc ziex. Nziex leih
• mv maaih buo cing mingh lorz biaa cin mienh nyei
• dorngx.

20

• IV. 211-12 Muyorc se benx yietc nyungc jaaix
  haic nyei ndiang-zung. Yiutai Mienh longc zoux
  die yaac longc hietv janx-daic nyei sei liuc leiz
  ziangx biopv (Maako 1523 Yohan 1939).
  Faangensen yaac benx yietc nyungc jaaix haic
  nyei hung, longc ndiangx zung zoux daaih. Hnamv
  daaih yiem Aalaambie Deic-Bung cuotv daaih nyei
  ganaaiv (Cuotv Iyipv 334 Matvtaai 211).

21

• Naaiv deix i nyungc ndiangx-zung se jaaix
  haic nyei ganaaiv yiem loz-hnoi nyei ziangh hoc,
  zoux saengh eix nyei mienh nor, gengh maaih jaah
  zinh haic bun ninh mbuo, weic zuqc naaiv deix i
  nyungc ndiangx-zung, mienh longc zoux die, yaac
  longc zoux hung yiem buoqc zangc nyei jauv, maiv
  gunv haaix fingx mienh yaac longc naaiv deix i
  nyungc ganaaiv.

22

• V. Domh fin-saeng mbuo fongc horc naaiv deix
  buo nyungc ganaaiv nyei jauv, maaih deix ih jaax
  hnoi nyei domh fin-saeng hnamv daaih se maaih
  eix-leiz yiem naaiv deix ganaaiv nyei, ninh mbuo
  gorngv, jiem se maaih eix-leiz beiv taux Yesu
  zoux hungh diex, Ninh zoux maanc hungh nyei
  Hungh, maanc ziouv nyei Ziouv.

23

• Muyorc se maaih eix-leiz beiv taux Yesu zoux
  ndie-sai daaih tengx mienh camv zorc baengc.
• Faangensen se maaih eix-leiz beiv taux Yesu
  zoux sai-mienh nyei jauv (Matvtaai 81-17
  Isaayaa 534 Hipvlu 81-928).

24

• VI. Domh fin-saeng mbuo zoux nyei kuv
• nyungc zeiv. Maiv gunv ndongc haaix go ninh
• mbuo yaac mingh lorz Yesu baaix. Maiv daan
• mbuo naaiv hnangv, ninh mbuo aengx dorh
• jienv zingh nyeic daaih fongc horc bun Yesu.
• Naaiv maaih haaix nyungc njaaux taux mbuo?
• mbuo oix zuqc zuotc, oix zuqc zoux nyei dongh
• haaix nyungc? Domh fin-saeng mbuo zoux
• nyei jauv, aengx zoqc yaac njaaux mbuo taux
• i nyungc jauv, mbuo dauh dauh sienx Yesu
• nyei horpc zuqc zoux, yaac oix zuqc zoux.

25

• Dayietv njaaux mbuo oix zuqc longc hnyouv Lorz
  Tin-
• Hungh nyei zaeix yaac fuh sux ninh. Mbuo maaih
  deix
• ziangh hoc, nqemh go maiv oix mingh zoux
  leiz-baaix,
• mingh doqc mingh Ging-Sou.
• Danyeic nyungc, njaaux mbuo maiv duqv njapv
  fongc
• horc nyei jauv, zien sienx Yesu nyei mienh mv
  haaix
• nyungc haih nqaeqv duqv mbuo jienv. Zien lorz
  Yesu
• baaix nyei mienh maiv nqemh jauv go, maiv nqemh
• fongc horc nyei jauv. Mbuo buatc maaih deix mienh
  
• weic fongc horc nyei jauv nqaeqv jienv ninh mbuo
  maiv
• mingh zoux leiz-baaix. Maaih deix weic go maiv
  mingh
• zoux leiz-baaix.

26

• Ih hnoi mbuo ni? Maaih haaix nyungc nqaeqv zuqc?
• Meih caux yie maaih hnyouv zoux hnangv domh
• fin-saeng mbuo zoux nyei fai? Se gorngv maiv haih
  
• zoux maiv duqv nor, Weic haaix diuc? Ih zanc mbuo
  
• yaac maiv zuqc Geh lorh torh, yaac maiv zuqc
  mingh
• yietc hnyaangx cingx haih baaix Yesu, yaac maiv
• zuqc dorh Jiem, dorh Muyorc, maiv zuqc dorh
• Faagensen. Kungx dorh mbuo nyei sin, mbuo nyei
• hnyouv, mbuo nyei sing qiex mingh ceng Yesu
• hnangv, yaac kungx bieqc cin mingh, bieqc cin
  nzuonx
• hnangv.

27

• Setv Mueiz Waac
• Mbuo oix zuqc maaih hnyouv mingh
• zoux leiz-baaix, baaix zangc Yesu,
• hnangv domh fin-saeng mbuo nor.
• Mbuo oix zuqc maaih hnyouv fongc
• horc hnangv domh fin-saeng mbuo
• fongc horc nor.